Жаңа жыл қарсаңында 2023-2024 оқу жылының 1-жартыжылдық қорытындысы бойынша атқарылған жұмыстар туралы мектеп директоры Жанна Бүркітбайқызы қамқоршылық кеңес  мүшелерінің алдында есеп берді. Оқушылардың білім сапасы мен үлгерімі туралы, тегін ыстық тамақпен қамтамасыз ету, құқықбұзушылықтың алдын-алуға бағытталған жұмыстар мен мектеп ұжымы мен оқушылардың жеткен жетістіктері туралы,  толық мәлімет берілді.

Нарғозы Данаев атындағы орта мектебінің 2023 жылы атқарған жұмыстарының қорытындысы.       Білім алушылар және қызметкерлерге қауіпсіз орта қалыптастыру мен қауіпсіздікті қамтамасыз ету мақсатында қажетті жағдай жасалынған: сыртқы және ішкі бейнебақылау камераларымен, дабыл түймесімен, турникетпен, мамандандырылған күзетпен, ал ерекше білімді қажет ететін балалар мен мүмкіндігі шектеулі азаматтар үшін  арнайы пандуспен, тактільді тақтайшалармен, шақыру түймесімен қамтамасыз етілген.