«Блум таксономиясы бойынша танымдық мақсаттарды қою мен анықтау мәселелері» тақырыбында семинар өтті.

Нарғозы Данаев орта мектебінде мұғалімдерге әдістемелік көмек көрсету мақсатында, мектеп тренері Исабекова Ардақтың ұйымдастыруымен «Блум таксономиясы бойынша танымдық мақсаттарды қою мен анықтау мәселелері» тақырыбында семинар өтті.
Семинардың мақсаты: Мұғалімдердің әдістемелерін жетілдіруге ықпал ету арқылы оқушылардың өзіндік іздену іс-әрекетін дамыту.
Семинарға қатысқан мұғалімдер өз білімдерін белсенді оқыту тәсілдерін қолдану және танымдық саладағы оқу мақсаттарының категорияларының теориясымен тереңдете отырып, сабақта оқушының проблеманы шешу үшін өз білімдерін шығармашылықпен қолдану, оқу материалының маңыздылығын айқындау, өзіндік пікір қалыптастыруын қалай ұйымдастыруға болатынын практикалық тұрғыдан қолдану үлгісін көре алды.
Семинар соңында мұғалімдер өз пікірлерін айтып, ризашылығын білдірді.