2023-2024 оқу жылының қорытындысы

24 мамыр күні мектебімізде 2023-2024 оқу жылының қорытындысы бойынша кезекті педагогикалық кеңес өткізілді. Кеңесте ІҮ-тоқсан мен жылдық қорытындысы бойынша білім алушылардың білім сапасы мен үлгеріміне, мемлекеттік стандарттың орындалуы туралы толық талдау жасалынып, оқушыларды сыныптан сыныпқа көшіру, 9, 11 сынып оқушыларын мемлекеттік қорытынды аттестаттауға жіберу, үздік оқушыларды марапаттау туралы бұйрықтарымен таныстырылды. Сонымен қатар, мектепалды даярлық топтардың мектепке дайындық деңгейі, алдағы жазғы демалыс кезінде оқушылардың қауіпсіздігі туралы, мектеп жанындағы лагерьдің ұйымдастырылуы мен оқушылардың бос уақытын тиімді пайдалану т.б. маңызды мәселелер толық қаралып, қажетті шешімдер қабылданды. Педагогикалық кеңестің шешімімен 2023-2024 оқу жылының қорытындысы негізінде:
🔺"КҮНДЕЛІК КZ" жүйесі бойынша жақсы нәтиже көрсетіп, өз міндеттерін үлкен жауапкершілікпен атқарғаны үшін педагогтер Алғыс хаттар мен Құрмет грамоталарымен;
🔺ҮЗДІК СЫНЫП ЖЕТЕКШІЛЕРІ - ата-аналармен тығыз байланыс орнатып, өз сыныбымен нәтижелі жұмыс атқарғандары үшін Алғыс хаттармен;
🔺"ҮЗДІК ӘДІСТЕМЕЛІК БІРЛЕСТІК" - өткен оқу жылының қорытындысын талдай келе, ҚР Оқу-ағарту министрінің # 514 бұйрығына сәйкес оқушылары қалалық, облыстық, республикалық жалпы пәндер бойынша олимпиадалар мен ғылыми жобалар конкурстарында, кәсіби байқауларда жоғары жетістіктерге жеткен үздік бірлестіктер анықталды. "Жаратылыстану пәндері" әдістемелік бірлестігі (19 жүлделі орындар) "ҮЗДІК БІРЛЕСТІК - 2024" атағы мен қаржылай сертификатына ие болса, І және ІІ ДЕРЕЖЕЛІ ДИПЛОМДАРЫМЕН "Қазақ тілі мен әдебиеті" және "Математика-физика" әдістемелік бірлестіктері марапатталды.